सर्वोच्चको आदेश प्रति महासंघको ध्यानाकर्षण

 काठमाडौं फागुन १४, नेपाल पत्रकार महासंघले सर्वोच्च अदालतले आइतबार कान्तिपुर दैनिकविरुद्ध चलिरहेको मुद्दामाथि दिएको आदेशप्रति आफ्नो ध्यानाकर्षण भएको जनाएको छ ।  महासंघका महासचिव रमेश विष्टले आज जारी विज्ञप्तिमा सञ्चार माध्यममा कुन सामग्री प्रकाशन तथा प्रसारण गर्ने वा नगर्ने विषय सञ्चार माध्यमको संविधान प्रदत्त अधिकार भएको जिकिर गर्दै नेपालको संविधान २०७२ ले पूर्ण प्रेस स्वतन्त्रता सुनिश्चित गरेबाट आमसञ्चारको हक र महत्व स्पष्ट हुन्छ भनिएको छ ।

त्यस्तै विज्ञप्त्मिा आइतबार सर्वोच्च अदालतका प्रधानन्यायधीश गोपालप्रसाद पराजुलीका बारेमा कान्तिपुर दैनिकमा समाचार प्रकाशित भएपछि सर्वोच्च अदालतले तीन दिनभित्र उपस्थित भएर बयान दिन कान्तिपुर दैनिक र प्रेस काउन्सिललाई दिएको आदेश र त्यसपछिको प्रतिक्रियालाई ध्यानमा राख्दै महासंघले आन्तरिक बैठक र सरोकारपक्षसंग छलफलपछि थप धारणा सार्वजनिक गर्ने उल्लेख गरिएको छ ।

तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।