काठमाडौं बेशाख १५,
शनिवार इलाम २ मा सम्पन्न भएको उपनिर्वाचन पछि आयोगका प्रमुख निर्वाचन आयुक्त दिनेश थपलियाले मतगणना सुरु भएको १२ घण्टाभित्र इलाम-२ को अन्तिम मतपरिणाम सार्वजनिक गर्ने बताउनुभएको छ ।
उहाँले राति ११ बजेसम्म सबै मतपेटिका सदरमुकाम ल्याइसक्ने र १२ बजेदेखि गणना थाल्ने जानकारी दिनुभयो । उहाँका अनुसार आइतवार दिउँसो १ बजेभित्र अन्तिम मतपरिणाम सार्वनजिक हुने छ । यसअघि मतगणनाको लागि सर्वदलीय बैठक बस्ने जानकारी दिदै उहाँले आवश्यक पक्रियापछि मतगणना शुरु हुने बताउनुभयो ।
१ लाख १५ हजार ८ सय ८९ मतदाता रहेको इलाम २ मा १ सय ४९ वटा मतदान केन्द्रमार्फत शान्तिपूर्ण रुपमा सम्पन्न उपनिर्वाचनमा ६० प्रतिशत मत खसेको जनाउदै आयोगले अघिल्लो निर्वाचनमा ६२ प्रतिशत मत खसेको छ ।