खाडी जलवाष्पयुक्त हावाको असर आज राती सम्म कायम रहने

विहिवारबाट मौसममा सुधार आउँने

काठमाडौं असोज १,  जल तथा मौसम विज्ञान विभाग मौसम पूर्वानुमान महाशाखाले  भारतको मध्यप्रदेशस्थित उत्तर–पश्चिमी क्षेत्र र उत्तर प्रदेशको दक्षिण भागमा बनेको न्यून चापीय रेखा र बङ्गालको खाडीबाट आएको जलवाष्पयुक्त हावाको असर बुधवार राती सम्म कायम रहने र यसै कारण देशभर बदली हुनाका साथै वर्षा भइरहेको जनाउँदै विहिवार देखि मौसममा सुधार आउँने जनाएको छ ।

त्यस्तै महाशाखाले बिहीबारबाट मौसममा सुधार भए पनि शुक्रबार भने फेरि देशभर आंशिकदेखि सामान्य बदली साथै हल्का वर्षाको सम्भावना रहेको जनाएको छ । त्यस्तै महाशाखाले आज जारी सूचनामा बुधबार देशका मध्य र पश्चिमका धेरैजसो स्थान तथा पूर्वका केही स्थानमा मेघगर्जन र चट्याङसहित वर्षाको संभावना औल्याउँदै पहिरो जानसक्ने, नदीमा पानीको वहाब बढ्न सक्ने र सडक तथा हवाई यातायातमासमेत अवरोध आउन सक्ने सम्भावना रहेकाले सतर्कता अपनाउन आग्रह गरेको छ ।

तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।