आज जुन २१ अर्थात विश्व योग दिवस विभिन्न कार्यक्रम सहित विश्वभर मनाइँदै

काठमाडौं असार ६,  आज विश्व योग दिवस विभिन्न कार्यक्रम गरी विश्वभर मनाइँदै छ । योगसूत्रको श्रेय भने आदियोगी भगवान् शिवलाई नै दिइन्छ । तर  पछिल्लो समय भारतीय प्रधानमन्त्री नरेन्द्र मोदीको प्रस्ताव एवम् तत्कालीन नेपालका प्रधानमन्त्री स्व सुशील कोइरालाको समर्थन पछि संयुक्त राष्ट्रसंघले सन् २०१५ देखि जुन २१ लाई अन्तर्राष्ट्रिय योग दिवसका रूपमा मनाउन शुरु गरेको हो ।  हरेक वर्षको जुन २१ तारिखमा मनाइने यो दिवस यस वर्ष ‘मुटुका लागि योग’ भन्ने नारा सहित मनाइँदै छ ।

  महषिर् पतञ्जलीको सिद्धान्तनुसार चित्तको वृत्तिलाई वास्तविक निरोध गर्नु नै योग हो । महषिर् पतञ्जलीका अनुसार योगश्चितवृत्तिनिरोध अर्थात् योगलेचित्तवृत्तिको निरोध गर्दछ । हाम्रो अस्थिर मनलाई स्थिर बनाउनु नै योग हो । हाम्रो मनमा अनेक प्रकारका राम्रा नराम्रा वृत्ति उतपत्ति र लय भइरहेको हुन्छ ।योगले मानिसमा आफूभित्र रहेको रोगलाई निरोध गर्न सक्छ ।

योगको अज्ञानताबाट ज्ञानतर्फ, जडबाट चेतनातर्फ, निर्बलताबाट सवलता, जीवनबाट ब्रहृम, प्रत्यक्षबाट परोक्ष एवं सीमितबाट असीमिततर्फको आध्यात्मिक यात्रा हो योग ।केही विद्वान् ऋषिमुनिले योगको अर्थ संयोग अथवा मिलन पनि हो भनेका छन् संक्षपमा भन्नुपर्दा आफ्नो इच्छाशक्तिलाई परआत्माको इच्छाशक्तिमा संयोग गर्नुलाई नै योग भनिन्छ ।

तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।