सरकारले द्वन्द्वका लागि प्रतिपक्षदललाइ गरेको आमन्त्रण काँग्रेसद्दारा   स्वीकार  

काठमाडौ असार २१ , बुधबार बसेको प्रम केपी ओली नेतृत्व सरकारको मन्त्रिपरिषद् बैठकले गरेको निर्णको सवालमा प्रमुख प्रतिपक्षी दल नेपाली काँग्रेसले आफ्नो धारणा सार्वजनिक गरेको छ ।

आज काँग्रेस केन्द्रीय मुख्यालयमा पत्रकार सम्मेलनको आयोजना गर्दै पार्टी प्रवक्ता विश्वप्रकाश शर्माले बुधबार बसेको मन्त्रिपरिषद् बैठकले वर्तमान सरकार गठन हुनुपूर्व विभिन्न मन्त्रालय, प्राधिकरण, संस्थान, परिषद्, बोर्ड र संगठित संस्थामा गरिएका सबै राजनीतिक नियुक्ति खारेजी गर्दै ओली सरकारले सरकार स्वेच्छाचारी ढंगले अघि बढ्न लागेको आरोप सहित विधिलाई उल्लंघन गरेको मात्र हैन उक्त निर्णयमार्फत द्वन्द्वका लागि प्रतिपक्षलाई खुला आमन्त्रण पनि गरेको बताउँनु भएको छ ।

त्यस्तै अघिल्लो सरकारले आचारसंहिता जारी भएको भएपनि निर्वाचन आयोगको सहमतिमानै गरेको जनाउ दिदै कानून उल्लंघन गरेको बताउँनु भएको छ । साथै उहाँले डा गोविन्द केसी त्यस्तै गंगामाया प्रति राज्यले देखाएको अनुउदारता, सञ्चारमाध्यममा हस्तक्षेप, ढुंगेल प्रकरणमार्फत न्यायालयको अपमान, संसद्मा हलुका जवाफ, निषेधाज्ञा जस्ता सरकारको प्रवृतिको सरकारले द्वन्द्वका लागि प्रतिपक्षलाई खुला आमन्त्रण गरे अनुरुपनै काँग्रेस अगाडी बढ्ने बताउँनु भएको छ ।

 तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।