आज अक्षय तृतीया पर्व ,सातु र सर्वत दान गरी मनाइदै

काठमाडौ बैशाख १४ , वैशाख शुक्ल तृतीयाका दिन मनाइने पर्व अर्थात अक्षय तृतीया पर्व अक्षय तृतीया श्री गणेशको विधानत पूजाअर्चना सहित कलशमाथि अष्टदल लेखेको तामाको थाली राखेर अष्टदलमा पूजा गर्नुको अलावा सातु र सर्वत दान गरी मनाइदैछ ।  त्यस्तै अक्षय तृतीयाको दिन खुदो र महको सर्वत तथा जौको सातु खानाले गर्मीयाममा शरीर स्वस्थ राख्न र पानीको मात्रा बढाउन सहयोग पुग्ने विश्वास सहित दालचिनी, ल्वाङ, सुकुमेल, अलैँची, मह, चिनी, सख्खर र मिस्रीमध्ये एक चिज लगाई सर्बतसँगै र जौको सातु दान गर्ने परम्परागत चलन रहिआएको छ ।

गर्मीयामको यो दिन स्नान, पूजा, आराधना, दान गर्ने र सातुसर्वत खुवाउने, खानेपानीको व्यवस्था गर्नेजस्ता काम सुस्वास्थ्य र परोपकारका दृष्टिबाट उपयोगी र महत्वपूर्ण मानिन्छ ।पौराणिक कथाअनुसार विष्णुले परशुराम अवतार लिएकाले अक्षय तृतीयाका दिनलाई परशुराम जयन्तीका रूपमा पनि मनाइन्छ । यस्तै सत्य युगको प्रारम्भ भएको मानी अक्षय तृतीयाको दिनलाई युगादि पनि भन्ने गरिएको पाईन्छ ।

त्यस्तै आजको दिन विवाहका लागि लगन अक्षय तृतीया तथा साइत हेर्नु नपर्ने मान्यता र शुभ कामबाट अक्षय अर्थात् कहिल्यै नास नहुने फल प्राप्त हुने हुँदा यस तिथिलाई अक्षय तृतीया भनिएको धर्मशास्त्रमा उल्लेख गरिएको छ ।

तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।