बिर्तामोड श्रावण २६, झापाको बिर्तामोडका ५० बर्षीय खड्गबहादुर लिम्बू कन्दङ्वा दुबै मृगौला खराब भएका कारण उपचार खर्च जुटाएर जीवन बचाइदिन अपिल गरेका छन् । मजदुरी गरी जसोतसो परिवारको गुजारा गर्दै आएका खड्गबहादुर विगत ९ महिनादेखि थलिएका हुन् । बिर्तामोड- १ सुकुम्वासी टोलका बासिन्दा उनी माइला नामले चिनिन्छिन् 
।
परिवारको भरणपोषणका लागि मजदुरी गर्ने माइला विरामी परेपछि उपचार खर्च अपुग मात्र होइन परिवारको छाक टार्नै मुस्किल पर्ने गरेको उनकी श्रीमती बुद्धमाया बताउछीन । अहिलेसम्म उपचारमा ३ लाख रुपैयाँ बढी माइलाले आफ्नै भएभरको सम्पत्तिबाट जुटाएर खर्च गरेको बताए ।
अवस्था विग्रदै गएपछि केही दिनबाट उनको मृगौलाको डायलासिस शुरु भएको छ । चिकित्सकले जति सक्दो चाँडो पैसा जुटाएर मृगौला फेर्ने सल्लाह दिएकाले पैसाको अभावमा उनी चिन्तित बनेका छन् । ‘मृगौला नफेरि म बाँच्दिनँ त्यसका लागि पैसा चाहिन्छ, पैसा छैन’- माइलाले भने- ‘मेरो जीवन तपाइहरुको हातमा छ, सहयोग जुटाएर बचाइदिनुहोस् ।’
मृगौला दान गर्ने मान्छे नभेटिएको अवस्थामा फेर्नको लागि १५ लाख रुपैयाँ खर्च हुने बताइएको छ । उनी अहिले मृगौला दानका लागि आफन्तजनलाई हारगुहार गरिरहेका छन् भने रकम जुटाउनका लागिसमेत सहयोगको याचना गरिरहेका छन् । लामो समय यातायात चालक भई मजदुरी गर्दै आएका उनी पछिल्लो समय बिर्तामोड नगरपालिकाको बारुण यन्त्र कर्मचारी थिए । विरामले थलिएपछि त्यो काम समेत उनले छाडे्का छन् । नेपाली कांग्रेसका सक्रिय सदस्य माइला तरुण दल बिर्तामोडका सल्लाहकार हुन् ।
यसैबीच सामाजिक क्षेत्रमा क्रियाशील लोकबन्धु कन्दङ्वा, मदन गोपाल सुब्बा लगायतको अगुवाईमा ‘खड्ग लिम्बू माइला बचाउ समिति’ बनाएर अभियान शुरु गरिएको छ । बुधवार माइलाकै निवासमा भेला भएका सामाजिक अगुवाहरुले उनको जीवन बचाउनका लागि लक्ष्मण खड्काको संयोजकत्वमा समिति गठन गरेका हुन् । समितिको सचिवमा मदन गोपाल सुब्बा र कोषाध्यक्षमा धनराज योङहाङ रहेका छन् । सदस्यहरुमा राजु आचार्य अग��नि, सञ्चार नेम्वाङ, लोकबन्धु कन्दङवा, भोजराज सिटौला, राजेन्द्र थापा, गोपी गिरी, प्रकाश शिवाकोटी, राजु कन्दङवा, सजेश शिवाकोटी, बलदेव गोम्देन, टेकबहादुर सुब्बा, एकराज उप्रेती, कुमार भट्टराई, टेकराज तिलिङ, उमेश डालमिया, नगेन्द्र बस्नेत, तुलाराम गुरुङ, ठगबहादुर खड्का, लाजेहाङ साम्यु र अप्रोच खान रहेका छन् ।
