काठमाडौं पौष १८, मधेसमा आन्दोलनको श्रृखला जारी राख्दै आइरहेका मधेसी मोर्चाले राखेका मागलाइ लिएर आज फेरि मुलुकका प्रमुख दलहरुबीच छलफल हुने भएको छ । बैठकमा मोर्चाले उठाएको निर्वाचन क्षेत्र निर्धारण र संघीयताको विषयमा केन्द्रीत हुँदै छलफल गर्ने 
तयारी दलहरुको रहेको बुझिएको छ । यसअघि प्रमुख दलले मोर्चा समक्ष एक महिनाभित्र सीमांकन टुङ्गो लगाउने गरि सहमति खोज्ने प्रस्ताव प्रस्तुत गर्ने तयारी रहेको थियो ।
त्यस्तै शुक्रवार एमाओवादी र नेपाली कांग्रेसबीचको भएको छलफल पछि आज एमाले सहित मोर्चाले राखेका मागका विषयमा त्रिपक्षीय बैठक गर्ने सहमति गरेको थियो । प्रस्तुत सहमति अनुरुप पहिला प्रमुख तीनदलको बैठक र त्यसपछि मोर्चासंग अर्को बैठक गर्ने तयारी रहेको थाहा भएको छ ।
