काठमाडौं पौष १४, नेपाली काँग्रेसको क्रियाशील सदस्यता विवाद समाधानका लागि गठित ‘केन्द्रीय क्रियाशील सदस्यता छानबिन समिति’आफ्नो प्रतिवेदन सभापति सुशील सोमवार कोइरालालाई बुझाएको छ । समितिले सभापति कोइराला निवास महाराजगञ्जमा 
वरिष्ठ नेता शेरबहादुर देउवा, महामन्त्री प्रकाशमानसिंहलगायतको सहभागितामा प्रतिवेदनलाई आवश्यक परिमार्जनसहित बुझाएको समिति सदस्य रामकृष्ण यादवले जानबमरी दिनु भएको छ ।
यसअघि काँग्रेसमा क्रियाशील सदस्यता विवाद देखिएपछि पार्टीले त्यसबारेमा छानबिन गरी विवाद समाधान गर्न केन्द्रीय सदस्य नरहरि आचार्यको संयोजकत्वमा नेता रमेश लेखक र रामकृष्ण यादव सम्मिलित समिति गठन गरेको थियो ।
यद्यपी क्रियाशील सदस्यतामा असन्तुष्टि जनाउँदै केही दिनदेखि काँग्रेस केन्द्रीय कार्यालय सानेपामा डोल्पा र सोलुखुम्बुका नेता कार्यकर्ता अनशनमा बस्दै आएका छन् । काँग्रेसको १३औँ महाधिवेशन आगामी फागुन २० देखि २३ गतेसम्म राजधानीमा हुँदैछ । महाधिवेशनको लागि गाउँ, वडा र नगर अधिवेशन आगामी माघ १५ गते, क्षेत्रीय अधिवेशन माघ २२ गते र माघ २५ गते जिल्ला अधिवेशन सम्पन्न गर्नुपर्ने तालिका तय भएकाृ छ ।
