काठमाडौं फागुन २८, सत्तारुढ दल नेपाली काँग्रेस र एमालेका शीर्ष नेताबीच आज भएको छलफलले एमाओवादी नेतृत्वको विपक्षी ३० दलीय मोर्चासङग संविधान निर्माणका विषयमा चाँडै निर्णायक एवम् परिणाममुखी वार्ता गर्ने निष्कर्ष तय गरेको छ ।
प्रधानमन्त्री निवास बालुवाटारमा भएको सो छलफल पछि काँग्रेसका प्रवक्ता दीलेन्द्रप्रसाद बडूले वार्ता र संवादलाई सघन बनाई नयाँ साझा अवधारणा बनाउन शान्ति प्रक्रियाका सहभागी दलहरुलाई समेट्न आजै वा भोलिसम्ममा ३० दलीय मोर्चासँग संयुक्त वार्ता गरिने जानकारी दिनुभएको छ।