काठमाडौँ वैशाख ११, संविधानसभाअन्तर्गत संविधान लेखन मस्यौदा समितिको सभापतिमा नेपाली काँग्रेसले महामन्त्री कृष्णप्रसाद सिटौलालाई उम्मेदवार 
बनाउने भएको छ । प्रधानमन्त्री निवास बालुवाटारमा आज बसेको काँग्रेस पदाधिकारीको बैठकले महामन्त्री सिटौलालाई मस्यौदा समितिको सभापतिमा उठाउने सिफारिस गरेको हो ।
काँग्रेस सहमहामन्त्री पूर्णबहादुर खड्काले प्रमुख तीन दलबीच संविधानसभाका समितिहरुमा सहमति जुटाएर सभापति चयन गर्ने प्रयासस्वरुप काँग्रेस पार्टीको भागमा परेको मस्यौदा समितिमा महामन्त्री सिटौलालाई सिफारिस गरिएको बताउनुभयो । शुक्रबार हुने संविधानसभाका पाँच वटा विषयगत समितिको सभापति चयन शुक्रबार हुँदैछ ।
