काठमाडौ आषाढ २३, नेकपा माओवादी केन्द्रको पार्टी मुख्यालय पेरिसडाँडामा जारी पोलिटब्युरोको बैठकले आगामी पौषको तेस्रो हप्ता अर्थात २३ देखि २८ गतेसम्म महाधिवेशन गर्ने गरि महाधिवेशनको मिति प्रस्ताव गरेको छ ।
एमाओवादी, नेकपा(क्रान्तिकारी माओवादी), नेकपा(माओवादी), क्रान्तिकारी कम्युनिस्ट पार्टीलगायत विभिन्न दश वटा माओवादी घटक तथा समूहको एकतापछि गठन भएको माओवादी केन्द्रले महाधिवेशनको मिति तय गरेको हो । यसको लागि केन्द्रले भाद्र १ गते महाधिवेशन आयोजक समितिको बैठक बोलाइएको माओवादी केन्द्रले जनाएको छ । यसअघि आगामी आश्विनमा महिनाभरी नगर तथा जिल्ला सम्मेलन मङ्सिरमा ै प्रदेश सम्मेलन सम्पन्न गर्ने गरी प्रस्ताव गरिएको थाहा भएको छ ।
साथै राष्ट्रिय सहमतिको सरकारको विषयमा भने बैठकले त्यस्तो कुनै ठोस निर्णय भने नगरेको यस सम्बन्धमा आवश्यक निर्णय लिन पार्टीको केन्द्रीय कार्यालयलाई जिम्मा दिइएको बताइएको छ ।