काठमाडौं भाद्र ७, सीमाङ्कन गरिएको सात प्रदेशमा असहमति जनाउँदै थरुहट पक्षधरहरूको जारी बन्द र प्रदर्शनको क्रममा स्थानीय प्रशासनले लगाएको निषेधाज्ञा तोडेर प्रदर्शन गर्न खोज्ने थरुहटका कार्यकर्ता र प्रहरीबीच आज दिउँसो झडप भएको थियो । प्रदर्शनको क्रममा थरुहटका कार्यकर्ताले लाठी, भाला र ढुङ्गा प्रहार गर्दै निषेधाज्ञा तोड्न खोजेपछि स्थितिलाई नियन्त्रणमा लिन टीकापुरसँगै जोडिएको मुनुवा क्षेत्रमा प्रहरीले केही सेल अश्रुग्यास प्रयोग गर्नुपरेकोे इप्रका टीकापुरलाई उदृत गर्दै प्राप्त समाचारमा उल्लेख गरिएकोछ ।
अश्रुग्यास प्रयोग पछि पनि स्थिती सामान्य हुँनुको अलावा अराजक हुँदै अन्तत थरुहट पक्षधर आन्दोलनकारी र प्रहरीबीच झडप हुँदा वरिष्ठ प्रहरी उपरीक्षक लक्ष्मण न्यौपानेसहित १६ जना सुरक्षाकर्मी तथा ३ जना प्रदर्शनकारीको मृत्यु भएको समाचार प्राप्त भएको छ ।
आज अपरान्ह भएको झडपमा सेती अञ्चल प्रहरी कार्यालय धनगढीमा कार्यरत वरिष्ठ प्रहरी उपरीक्षक न्यौपाने सहित जिप्रका कैलालीका प्रहरी निरीक्षकद्वय बलराम विष्ट र केशव बोहरा रहेका छन् । त्यस्तै जिप्रका कैलाली लाई उदृत गर्दै प्राप्त समाचारमा सशस्त्र प्रहरीतर्फ ११ जनाको र प्रदर्शनकारीतर्फ मृत्यु हुनेको वतन नखुलेको प्राप्त समाचारमा जनाइएको छ ।