जनकपुर वैशाख २८, पाँचजनाको ज्यान जानेगरी भएको जनकपुर बम काण्डका मुख्य आरोपी सभासद् सञ्जयकुमार साहलाई जिल्ला अदालत 
धनुषाले सिरहा कारागार पठाउने आदेश दिएको छ । यसअघि गत बिहीबार जिल्ला अदालत धनुषाका न्यायाधीश कैलास केसीले निज साहलाई पूर्पक्षका लागि थुनामा राख्न आदेश दिँदै महोत्तरीको जलेश्वर कारागारमा राख्न आदेश दिनुभएको थियो ।
तर महोत्तरी कारागारले सुरक्षाका कारण देखाउँदै निज साहलाई राख्न इन्कार गरेको थियो । निज साह अहिलेसम्म जिल्ला प्रहरी कार्यालयको थुनुवा कक्षमा रहेका छन् । जिल्ला अदालत धनुषाका न्यायाधीश लोकजङ्ग शाहले आज साँझ निज साहलाई सिरहा कारागार पठाउन आदेश दिएको अदालतका स्रेस्तेदार नरनारायण पौडेलले जानकारी दिनुभयो ।
