काठमाडौँ वैशाख १२, पूर्व राजा ज्ञानेन्द शाहले जनताले आवश्यकता महसुस गरे राजसंस्था फर्काउन सकिने बताएका छन् । चितवनको जुटपानी ६ मा रहेको बौद्ध गुम्बामा आज पूजा–अर्चना गरेपछि पत्रकारहरुसँग कुरा गर्दै पूर्व राजा ज्ञानेन्द्रले देश र जनताले आवश्यकता महुसस गरे आफू फेरि आउन तयार रहेको रहेको बताउँनु भएको छ । त्यसअघि पूर्व उनले रत्ननगरको निपनीमा रहेको हरिहर मन्दिरमा पूजा–अर्चना गरेका थिए । रत्ननगरमा पनि पूर्व राजालाई भव्य रुपमा स्वागत गरिएको थियो ।
नारायणगढको सेन्ट्रल पाम होटलमा बास बसेका पूर्व राजा ज्ञानेन्द्र भोलि पृथ्वीनारायण शाह स्मृति प्रतिष्ठानले नारायणी कला मन्दिरमा आयोजना गर्ने कार्यक्रममा सहभागी हुने कार्यक्रम रहेको छ । साथै नारायणगढस्थित पशुपतिनाथ गौरीश्वर मन्दिरमा पूजा–अर्चना गरी पुल्चोकसम्म पैदलयात्रा गर्ने कार्यक्रम पनि रहेको छ ।
