काठमाडौँ पौष २१, नेकपाएमाले र एमाओवादी) वीच आज साँझ शान्ति कोषको सचिवालयमा बबरमहलमा भएको वार्तामा मुलुकमा राष्ट्रिय सहमति सहितको सरकारको गठन तथा 
संविधानसभाको बैठक बोलाउने सम्बन्धमा विशेष छलफल भएको छ । वार्ताको क्रममा एमालेको तर्फबाट पार्टी अध्यक्ष झलनाथ खनाल, बरिष्ठ नेता माधवकुमार नेपाल लगायतका नेताको सहभागिता रहेको थियो भने एमाओवादीका तर्फबाट अध्यक्ष पुष्पकमल दाहाल सहित नारायणकाजी श्रेष्ठ र पोष्टबहादुर बोगटीको उपस्थिती रहेको थियो ।
वार्ता पछि पत्रकारहरसंग कुरा गर्दै आगामी ६ महिनाभित्र संविधानको मस्यौदा तयार पार्ने विषयमा कसरी अगाडि बढ्न सकिन्छ र त्यसका आधारहरु के हुन सक्छन्, अघिल्लो संविधानसभाले गरेका कामहरुको स्वामित्व कसरी लिनेभन्ने विषयमा पनि छलफल केन्द्रित रहेको एमाओवादीका नेता नारायणकाजी श्रेष्ठले बताउनुभयो । त्यस्तै उहाँले संविधानसभा निर्वाचनको घोषणापत्रमा स्थानीय निकायको निर्वाचन गर्ने विषयमा सबै दल सहमत भएको भन्दै सो निर्वाचन कहिले र कसरी गर्ने विषयमा समेत कुराकानी भएको बताए ।
