काठमाडौ कात्तिक १२, एमाओवादी अध्यक्ष पुष्पकमल दाहालको निवास लाजिम्पाटमा आज बसेको पार्टी पदाधिकारी र राजधानीमा उपलब्ध नेताहरूको बैठकले आगामी 
माघ ८ गतेभित्रै संविधान जारी गर्न लागि सबै पक्षलाई सहमतिमा आउन एमाओवादीले विशेष आग्रह गरेको छ ।
त्यस्तै बैठकले सहमतिबाटै संविधान लेखन प्रक्रियालाई पूर्णता दिनका लागि अडानको लागि अडान मात्रै प्रस्तुत गर्ने प्रवृत्तिबाट माथि उठेर सहमति र सहकार्यका लागि प्रतिबद्ध रहन नेपाली काँग्रेस र नेकपा एमालेलाई अनुरोध गदै संविधानका विवादित विषयमा सहमति जुटाउन आफ्नोतर्फबाट लचकता प्रदर्शन गर्ने र सहमति कायम गर्न विशेष पहल थाल्ने निर्णय गरेको बुझिएको छ ।
