भक्तपुर फागुन १६, स्वास्थ्यमन्त्री गगनकुमार थापाले आफ्ना शरीरका सात वटा अंग दान गरेका छन् । उनले मृत्युपश्चात् मुटु, फोक्सो, कलेजो, प्यान्क्रियाज, मिर्गौलालगायत दान गर्ने मञ्जुरीपत्रमा हरुताक्षर गर्नु भएको छ । मानव अंग प्रत्यारोपण केन्द्र भक्तपुरले स्वास्थ्य सेवा दिवसको अवसरमा स्वास्थ्य मन्त्रालयमा 
आयोजित एक कार्यक्रमका वीच स्वास्थ्यमन्त्री थापाले मृत्युपश्चात् अंग दान गर्ने मञ्जुरीनामामा हस्ताक्षर गर्दै यस्तो घोषणा गर्नु भएको हो । मन्त्री थापको प्रस्तुत घोणणासंगै उहाँ मुटु, कलेजो, फोक्सो, प्यान्क्रियाज दान गर्न मञ्जुरी दिने प्रथम नेपालीसमेत बन्न सफल हुनु भएको छ ।
यसअघि मिर्गौला दान गर्न मञ्जुरी दिने प्रथम नेपाली भने वरिष्ठ प्रत्यारोपणविद् एवम् केन्द्रका कार्यकारी निर्देशक डा पुकारचन्द्र श्रेष्ठ आफैं हुनुहुन्छ ।
यसैवीच स्वास्थ्य सेवा दिवसकै अवसरमा आयोजित निःशुल्क मिर्गौला जाँच शिविरमा दुई सय २२ जनाको स्वास्थ्य परीक्षण गरिएको छ ।जसमा दुई सय २२ जनाकै पिसाब जाँच, एक सय ७५ जनाको रगत जाँच र ४० जनाको अल्ट्रासाउन्ड गरिएको थियो । उक्त शिविरमा २१ जनामा मिर्गौलाको रोगको पहिचान गरिएको प्राप्त समाचारमा उल्लेख गरिएको छ ।
