एजेन्सी पौष १७, नव वर्ष २०१५ मनाउने क्रममा साङ्घाईमा बुधबार राति भएको भागदौडमा परी ३५ को मृत्यु भएको छ । स्थानीय अधिकारीहरुका अनुसार केन्द्रीय साङ्घाईको नदी किनारमा अवस्थित बन्ड क्षेत्रमा अति बृहत् सङ्ख्यामा स्थानीय जनताहरु बुधबार राति नव वर्ष आगमनको प्रतीक्षा गर्दै उल्लासमय वातावरणमा रमाइरहेका बेला भागदौड मच्चिएको थियो ।
साङ्घाई भएर बग्ने विशाल हवाङ्ग नदी किनारको चोकहरुमा जम्मा भएका १६, १७ वर्षसम्मका युवा युवतीहरुबीच एक्कासी भागदौड मच्चिँदा ३५ जनाको मृत्यु हुनुका साथै अन्य ४२ जना घाइते भएका छन् । मृतकहरुमध्ये २५ जना महिला रहेका छन् । घाइतेहरुमध्ये पनि अधिकांश २० देखि २२ वर्षका युवायुवती रहेका र तीमध्ये पनि अधिकांश महिलाहरु नै परेको जनाइएको छ । साङ्घाई महानगरको जनसङ्ख्या दुई करोड ३० लाखभन्दा बढी रहेको सञ्चारमाध्यमहरुले जनाएको छ ।
अन्र्तराष्ट्रिय सञ्चारमाध्यमहरुले स्थानीय प्रहरीलाई उदृत गर्दै सम्प्रेषण गरेको समाभारमा उल्लेख भएअनसार महानगरको रमणीय, सधैँ भीडभाड भइरहने बजार क्षेत्र र प्रकाशको झिलीमिलीले अत्यन्त रमाइलो रहने बन्ड क्षेत्रमा हिजो राति ११ः३५ पछि सो घटना भएको उल्ल्ेख रहेको छ ।