काठमाडौं पौष १३, वडा प्रहरी कार्यालय धनगढीले स्थानीय केही होटल तथा रेष्टुराँमा गरिएको छड्के निरीक्षणका क्रममा यौन क्रियाकलाप गराउन एक होटलमा बसेका हाफदर्जन महिलालाई शनिबार नियन्त्रणमा लिएको छ ।
अश्लील कार्य गर्ने गराउने उद्देश्यले विभिन्न स्थानबाट आई बसेका ती छजना महिलालाई नियन्त्रणमा लिई अनुसन्धान सुरु गरिएको जिल्ला प्रहरी कार्यालय कैलालीले जनाएको छ । प्रहरीले होटलमा छापा हान्न थालेपछि केहीले व्यक्तिगत घरमा कोठी सञ्चालन गरी यौन धन्दा चलाउन थालेको समाचारमा उल्लेख गरिएको छ ।