काठमाडौ असोज ३०, संविधानका विवादित विषयमा प्रमुख तीन दलका शीर्ष नेता गम्भीर छलफलमा जुृट्नुभएको छ । प्रमुख दलबीच द्विपक्षीय एवम् त्रिपक्षीय छलफल भए पनि सहमति हुन नसकेपछि राजनीतिक संवाद तथा सहमति समितिका सभापति डा बाबुराम भट्टराईको विशेष पहलमा नेपाली काँग्रेसका वरिष्ठ नेता शेरबहादुर देउवा 
र महामन्त्री कृष्णप्रसाद सिटौला, नेकपा एमालेका अध्यक्ष केपी शर्मा ओली र नेता माधवकुमार नेपाल तथा ए माओवादीका अध्यक्ष पुष्पकमल दाहाल र डा भट्टराई लगायतका नेताहरु आज रातभर बैठकु गरी सहमति जुटाउने भन्दै आजै साँझै गोकर्ण रिसोर्ट पुगेका हुन् ।
संविधानसभाको बैठकले सो समितिलाई आजसम्म संविधानका अन्तर्वस्तुमा सहमति गर्न र सहमति हुन नसकेका विषयमा प्रश्नावली बनाएर संविधानसभामा प्रतिवेदन पेस गर्न निर्देशन दिएको थियो । नेपाली काँग्रेसका वरिष्ठ नेता शेरबहादुर देउवा र महामन्त्री कृष्णप्रसाद सिटौला, नेकपा(एमाले)का अध्यक्ष केपी शर्मा ओली र नेता माधवकुमार नेपाल तथा एकीकृत नेकपा(माओवादी)का अध्यक्ष पुष्पकमल दाहाल र डा भट्टराई छलफलमा हुनुहुन्छ । सङ्घीयता, शासकीय स्वरूप तथा निर्वाचन र न्याय प्रणालीका विषयमा दलबीच सहमति नजुट्दा संविधान लेखन अगाडि बढ्न सकेको छैन ।
