काठमाडौ कात्तिक १३, राष्ट्रिय प्रजातन्त्र पार्टी, नेपालको केन्द्रीय कार्य सम्पादन समितिको बुुधवार बसेको बैठकले नेपाललाई हिन्दु राष्ट्रको पहिचान बनाउन ऐक्यबद्धता जनाउन सम्पूर्ण सङ्घ संस्था तथा आम नागरिकलाई आग्रह गरेको छ ।
पार्टीका अध्यक्ष कमल थापाको सभापतित्वमा बसेको सो बैठकले नेपाललाई हिन्दुराष्ट्र कायम गराउने माग राखी गत वैशाख ८ गतेदेखि रत्नपार्कको शान्तिवाटीमा रिले अनसन बस्दै आएका नागरिक माथि मङ्गलबार भएको हस्तक्षेपविरुद्ध पार्टीले सडक र सदनमा सशक्त सङ्घर्ष गर्ने निर्णय गरेको बुझिएको छ। त्यसैगरी बैठकले सो घटनामा पक्राउ परेकालाई तुरुन्त रिहा तथा घाइतेको उपचार गर्न माग गरेको गरेको छ ।