काठमाडौँ कात्तिक १३ ,सरकारले नेपाल पर्यटन बोर्डका कायममुकायम प्रमुख कार्यकारी अधिकृत सुवास निरौलालाई निलम्बन गरेको छ । संस्कृति, पर्यटन तथा नागरिक 
उड्डयन मन्त्रालयका सचिव एवम् बोर्डका अध्यक्ष सुरेशमान श्रेष्ठको अध्यक्षतामा बोर्ड सञ्चालक समितिको आजको बसेको बैठकले सार्वजनिक लेखा समितिले निरौलालाई निलम्बन गर्न दिएको निर्देशन अनुरुप नेपाल पर्यटन बोर्ड ऐन २०५३ र नियमावली २०५५ बमोजिम निर्देशकसमेत नरहने गरी निरौलालाई निलम्बन गरेको हो ।
त्यस्तै बैठकले अर्को व्यवस्था नभएसम्म बोर्डको निमित्त प्रमुख कार्यकारी अधिकृत भई कार्य सञ्चालन गर्न बोर्डकै अधिकृत नन्दिनी थापालाई जिम्मेवारी दिइएको छ ।।
