काठमाडौ असोज १२, यो वा त्यो वहानामा पटक पटक अवरुद्ध हुदै आएको व्यवस्थापिका संसद् खुलाउने विषयलाइ सम्बोधन गर्न सिंहदरबारमा आज बसेको प्रमुख तीन 
दल नेपाली काँग्रेस, नेकपा (एमाले) र एमाओवादीका शीर्ष नेताहरूको बैठक बिनानिष्कर्ष टुङ्गिएको छ । उच्चस्तरीय राजनीतिक संयन्त्र गठन र त्यसको नेतृत्व तथा द्वन्द्वकालमा मारिएका र बेपत्ता भएकाहरूको परिवारलाई राहत दिने विषयमा कुरा नमिलेपछि बैठक बिनानिष्कर्ष टुङ्गिएको बुझिएको छ ।
बैठकमा सहभागी काँग्रेसका कावा सभापति रामचन्द्र पौडेले आजको बैठकमा अवरुद्ध संसद् खुलाउने र निर्धारित मितिमा संविधान जारी गर्ने विषयमा गम्भीर छलफल भयो तर एकाध विषयमा कुरा मिल्न नसक्दा बैठक बिनानिष्कर्ष टुङ्गिएको जानकारी सहित संविधानका विवादित विषयमा आगामी मङलवार सम्ममा सहमति खोजिने र सहमति नभए असोज २१ गते बस्ने संविधानसभाको बैठकमा विवादित विषय क्रमस राज्यको पुनःसंरचना तथा राज्यको शासकीय स्वरुप लगायतका वियषय प्रस्तावका रुपमा पेस गरिने जानकारी दिनु भएको थियो ।
