काठमाडौँ वैशाख १७ , सञ्चारग्रामस्थित नेपाली पत्रकारहरूको साझा सङ्गठन नेपाल पत्रकार महासङ्घको अत्याधुनिक नवनिर्मित भवनको एक कार्यक्रमकावीच राष्ट्रपति डा. रामवरण यादवले उद्घाटन गर्दै नेपाली पत्रकारिताको स्तर, दायरा र क्षमतालाई थप अभिवृद्धि गर्न पत्रकारको अझै बढी क्रियाशीलता आवश्यकता भएको बताउँदै पत्रकारिता कमजोर भएमा लोकतन्त्रमाथि नै खतरा आउने भन्दै पत्रकारितालाई सुदृढ र सक्षम बनाउन सबैको ध्यान जानु आवश्यक रहेको बताउँनु भएको छ । त्यस्तै आफूले चार दशकदेखि निरन्तररुपमा पत्रकारिताका विभिन्न आयामलाई पाठक, स्रोता र दर्शकको रुपमा उपभोग गरिराखको चर्चा गर्दै राष्ट्रपति डा यादवले संविधानका अन्तरवस्तु, शासकीय स्वरुप, सङ्घीयता जस्ता विषयमा गम्भीररुपमा ध्यान दिदै चुरे संरक्षणका लागि निरन्तर कलम चलाउन सञ्चारकर्मीहरूलाई आग्रह गर्नु भएको थियो । सो अवसरमा राष्ट्रपति डा. यादवले महासङ्घको भवन निर्माणमा उल्लेखनीय योगदान दिनुभएका पूर्वअर्थमन्त्री भरतमोहन अधिकारी र पूर्वअर्थसचिव शान्तराज सुवेदीलाई सम्मान गर्नुभएको थियो ।
त्यस्तै कार्यक्रममा सूचना तथा सञ्चारमन्त्री डा. मीनेन्द्र रिजालले भवनका बाँकी काम सम्पन्न गर्न सरकारले सहयोग गर्ने आश्वासन दिँदै मन्त्रालय महासङ्घसँग साझेदारी गर्दै अगाडि बढ्ने बताउनुभएको थियो
नवनिर्मित महासंघको चारतते सो भवन रु चार करोड ९ लाखको लागतमा निर्माण सम्पन्न भएको जानकारी दिदै महासङ्घका अध्यक्ष शिव गाउँलेले भवनले पत्रकार र पत्रकारिताको क्षमता अभिवृद्धि गर्न र आफ्नो गतिविधि अगाडि बढाउन थप सहयोग पुग्ने विश्वास व्यक्त गर्नुको अलावा
तत्कालीन प्रधानमन्त्री झलनाथ खनाल र अर्थमन्त्री भरतमोहन अधिकारीको समयमा महासङ्घको सो भवन निर्माणका लागि बजेट विनियोजन भएको जानकारी दिनु भएको थियो भने महासङ्घका सचिव जगत नेपालले नयाँ भवनका साथमा भवनमा पस्ने नयाँ अनुहारहरू व्यावसायिक र उत्तरदायी भइदिए यसले सार्थकता प्राप्त गर्ने विश्वास व्यक्त गर्नुभएको थियो ।