काठमाडौँ माघ २६, काँग्रेस सभापति एवम् संसदीय दलका नेता सुशील कोइरालाले आज विहान एनेकपा (माओवादी)का अध्यक्ष पुष्पकमल दाहाल प्रचण्डसंग 
विशेष भेटवार्ता गरेका छन । भेटको क्रममा सभापति कोइरालाले भोलि हँुने प्रधानमन्त्रीको निर्वाचनमा आफ्नो दललाई समर्थन जनाउन एनेकपा माओवादीलाई आग्रह गर्नुभएको बुझिएको छ ।
नेपाली काँग्रेसको नेतृत्वमा नेकपा एमाले सहितको सरकार गठनको लागि भएको प्रयास अन्र्तगत शक्ति बाँडफाँडको प्रसंगमा पटक पटक छलफल चले पनि काँग्रेस र एमालेबीच अझै सहमति जुट्न नसकेको अवस्थामा आज प्रचण्ड निवास महाराजगन्जमा भएको छलफलमा सभापति कोईरालाले यस्तो आग्रह गर्नु भएको हो ।
व्यवस्थापिका संसद्मा भोलि हुँने प्रधानमन्त्रीको निर्वाचनका लागि आज ५ बजेसम्म मनोनयन दर्ता गर्ने र सोमबार मतदान हुने कार्यतालिका संसद् सचिवालयलयले यसअघिनै सार्वजनिक गरिसकेका छन । काँग्रेस सभापति कोइराला, उपसभापति पौडेल, महामन्त्री कृष्णप्रसाद सिटौला सहभागी एमाओवादी अध्यक्षसँगको छलफलमा राष्ट्रपति परिवर्तन गर्ने÷नगर्ने भन्ने विषयमा एमाओवादीले नयाँ संविधानसभा आएपछि त्यसले पनि स्वीकारेको हुने किसिमको देखिने हुनुपर्छ भन्ने धारणा राखेको बताइएको छ ।
