काठमाडौ आषाढ ६ भरतपुर महानगरपालिका वडानम्बर १९ का एमालेका सदस्य उम्मेदवार गुन्जमान विक र अधिवक्ता तुलसीराम पाण्डेले निर्वाचन आयोगको 
निर्णय बदर गर्नुपर्ने भन्दै दायर मुद्दा प्रकरणको आज सुनवाइ गर्दै सर्वोच्च अदालतले निर्वाचन आयोगको निर्णय सहित आयोगको पुन मतदान गराउने निर्णय सहित च्यातिएको मतपत्रको बन्दल अदालतमा पेश गर्न आदेश दिएको छ ।
कामु प्रधानन्यायाधीश गोपाल पराजुली र न्यायाधीश हरिकृष्ण कार्कीको सयुक्त इजलासले आयोगको निर्णयविरुद्ध परेको मुद्दाको सुनुवाई गर्दै यस्तो आदेश दिएको हो।
एमालेले च्यातिएका मतपत्र बदर गरेर पुन गणना गर्नुपर्ने माग गरेको छ भने कांग्रेस र माओवादी केन्द्रले उक्त वडामा मतदान गर्नुपर्ने बताउँदै आएका छन् । धेरै चासोका साथ हेरिएको यो मुद्दाको आज अन्तिम फैसला हुने अपेक्षा गरिएको थियो ।
