काठमाडौँ श्रावण १, राहदानी विभागले राहदानी उत्पादन एवम् वितरणबारे जानकारी दिन आज आयोजित पत्रकार सम्मेलनमा चार वर्षको अवधिमा २२ लाख एमआरपी 
राहदानी जारी गरेको जनाएको छ । विभागका महानिर्देशक रमेशप्रसाद खनालले सन् २०१० को डिसेम्बर २६ देखि एमआरपी वितरण प्रारम्भ भएको र त्यसयता आजसम्म २२ लाख एमआरपी जारी भएको जानकारी दिदै विभागले द्रुत सेवा उपयोग गर्ने सेवाग्राहीबाट गत आवमा एमआरपीवितरणबाट रु चार अर्ब ४० करोड राजस्व सङ्कलन गर्नुका अलावा आव २०६९÷७० मा रु तीन अर्ब ९१ करोड सङ्कलन गरेको बताउँनु भएको छ ।
त्यस्तै विभागले एक हजार ६३० थान कूटनीतिक, नौ हजार १७० वटा विशेष, २१ लाख ८३ हजार ८९३ थान साधारण राहदानी र ८२९ वटा यात्रा कागजात (ट्राभल डकुमेन्ट) जारी गरेको पनि सम्मेलनमा जानकारी दिएको छ ।
