काठमाडौ भाद्र १७ नेपालगञ्जको धम्बोझी चोकमा राष्ट्रवादी युवा समूहले राखेको पूर्वराजा वीरेन्द्र शाहको शालिक स्थानीय प्रशासनले हटाएको छ । युवा समूहले विहिवार राखेको पूर्वराजा वीरेन्द्रको शालिक प्रहरीले गएराति हटाएको हो । प्रहरीले रातारात शालिक हटाएपछि राष्ट्रवादी युवा समूहले आपत्ति जनाएको छ । यसअघि त्यस चोकमा रहेको राजा वीरेन्द्रको शालिक २०६२/६३ सालको जनआन्दोलनका क्रममा तोडफोड भएको थियो।
शालिक राख्ने क्रममा प्रहरी र राष्ट्रवादी समुहबीच झडपसमेत भएको थियो । शालिक राख्ने भिक्ने क्रममा भएको झडप पछि तनावपूर्ण बनेको धम्बोझी चोकमा स्थानीय प्रशासनले नेपालगञ्ज बजार क्षेत्रको सुरक्षा व्यवस्था कडा पारेको छ । बजारमा ठूलो संख्यामा सुरक्षाकर्मी परिचालन गरिए पछि त्यहाँको स्थिती सामान्य बनेको प्राप्त समाचारमा उल्लेख गरिएको छ ।
यसैवीच धम्बोझी चोकमा पूर्व राजा वीरेन्द्र शाहको शालिक राख्ने क्रममा उत्पन्न तनावपछि पक्राउ परेका १० जनालाई प्रहरीले रिहा गरेको प्रहरीले जनाएको छ।