मन्त्रिपरिषद्को बैठक:
काठमाडौ श्रावण २७, नेपाल सरकारका प्रधानमन्त्री पुष्पकमल दाहाल प्रचण्ड नेतृत्वको सरकारको आज सिंहदरबारमा आज बसेको मन्त्रिपरिषद् बैठकले मुलुकमा नयाँ सरकार गठनभएपछिको अवस्था सहित राजनैतिक घटनाक्रमको पछिल्लो स्थितीको सवालमा छिमेकी मुलुक चीन र भारतलाइ जानकारी गराउन प्रधानमन्त्रीका विशेष प्रतिनिधिको रूपमा उपप्रधान तथा अर्थमन्त्री कृष्णबहादुर महरालाई चीन र उपप्रधान तथा गृहमन्त्री विमलेन्द्र निधिलाई भारत पठाउने निर्णय गरेको छ ।
सरकारका प्रवक्ता समेत रहनुभएका उपप्रधानमन्त्री महराले आफूहरू निकट भविष्यमा ती मुलुकको औपचारिक भ्रमण जाने जानकारी दिदै प्रधानमन्त्रीका विशेष प्रतिनिधिको रूपमा आफुहरुलाइ प्राप्त कार्यदेशबाट छिमेकी मुलुक चीन र भारतसंगको सम्बन्धमा सुधार सहित नयाँ आयाम थपिने जानकारी दिनु भएको छ ।
त्यस्तै उहाँले आजको बैठकबाट महङ्गी, कालोबजारी, कृत्रिम अभाव र खाद्यवस्तुमा देखिएको मिसावटलाई नियन्त्रण गर्न कानुनमा देखिएका अड्चन संशोधन वा परिमार्जन गर्दै कालोबजारीलाइ निरुत्साहित गर्न सम्बन्धित मन्त्रालयलाई निर्देशन दिनुको अलावा आवश्यक काननको तर्जुमा गर्ने निर्णय समेत गरेको छ ।