काठमाडौ भाद्र ७, माओवादी केन्द्रका अध्यक्ष् पुष्पकमल दाहाल प्रचण्ड नेतृत्वको गठबन्धन सरकामा नेपाली कांग्रेसको तर्फबाट सरकारमा सहभागी गराइने मन्त्रीहरुका विषयमा आज टुङ्गो लगाइने भएको छ । बिहान बस्ने संसदीय दलको बैठकपछि सभापति शेरबहादुर देउवाले केही नेताहरुसँग छलफल गरेर नामलाई अन्तिम रुप दिने तयारी रहेको सम्वद्ध 
स्रोतले जनाएको छ । गत श्रावण २० गते प्रधानमन्त्रीमा निर्वाचित हुनु भएका पुष्पकमल दाहाल प्रचण्डको सरकारमा सहभागी हुने मन्त्रीहरुकोनाम कांग्रेसले आन्तरिक किचलोका कारण आवश्यक सिफारिस गर्न नसकेको हो । यद्यपी काँग्रेसको तर्फबाट मन्त्रिमण्डलमा सहभागी हुन १० देखि ११ मन्त्री र झण्डै आधा दर्जन राज्यमन्त्रीको तयारी रहेको बताईएको छ ।
गठबन्धन सरकामा नेपाली काँग्रेसले १३ मन्त्रालयको जिम्मेवारी पाउँने सहमति भएको थियो । एकातर्फ काग्रेस वृतमा बन्ने आकाक्षीको सख्या बढ्नु र अर्को तर्फ काँगेस नेता । नेता रामचन्द्र पौडेलले सरकारमा कम्तीमा ४० प्रतिशत अर्थात् पाँच जना मन्त्री माग गर्नु भएपछि समस्या झन जटिल बनेको स्रोतको दावी रहेको छ । तर काँग्रेस सभापति देउवाले नेता पौडेलको माग अनुरुप नचइ ३ जना मात्रै दिने तयारी गर्नु भएको थाहा भएको छ । यसमा अर्जुननरसिंह केसी, प्रकाशशरण महत लगायतको नाम लगभग पक्का भएको बताइन्छ ।
