काठमाडौ श्रावण २६,अख्तियार दुरूपयोग अनुसन्धान आयोगले कम्प्युटर इन्जिनियर बिदुर दाहाल विरुद्ध स्रोत नखुलेको सम्पत्ति आर्जन गरेको आरोपमा आज विशेष अदालतमा मुद्दा दायर गरेको छ । आयोगद्दारा आज जारी 
विज्ञप्तिमा इन्जिनियर दाहालले नेपाल विद्युत प्राधिकरण सूचना विभाग रत्नपार्कमा २०६२ सालदेखि २०७२ सम्म कार्यरत रहँदा रु १ करोड छ लाख आठ हजार ५१७ गैरकानुनी सम्पत्ति आर्जन गरेको अनुसन्धानबाट खुलेको उल्लेख गरिएको छ ।
त्यस्तै आज दाहाल विरुद्ध दायर मुद्धामा आयोगले अभियुक्त दाहालका नाममा रहेको स्रोत नखुलेको चल अचल सम्पत्ति जफत गर्न माग गर्दै भ्रष्टाचार निवारण ऐ बमोजिम रु एक करोड छ लाख आठ हजार ५१७ बिगो कायम गरी प्रचलित भ्रष्टाचार निवारण ऐन, २०५९ को दफा २० को उपदफा (२) बमोजिम जरीवाना र कैद सजायको माग गरिएको छ ।
