काठमाडौ आषाढ ८, मानवअधिकार, कानुनी राज्य तथा बहुदलीय संसदीय शासन प्रणालीको संस्थागत विकासका लागि क्रियाशील हुने लक्ष्यकासाथ गठन भएको प्रजातान्त्रिक विचार समाजको १० औं राष्ट्रिय महाधिवेशन आगामी आषाढ १० र ११ गते काठमाडौमा हुँने भएको छ ।
महाधिवेशनको सवालमा जानकारी दिन आज आयोजित पत्रकार सम्मेलनमा समाजका अध्यक्ष डा केदारनरसिंह केसीले महाधिवेशनमा ४० भन्दाबढी जिल्लाबाट ३५० जना प्रतिनिधिले भाग लिने बताउँदै महाधिवेशनको अवसरमा पत्रकारिता एवम् बौद्धिक क्षेत्रमा योगदान पु-याएबापत यसवर्ष पत्रकार एवम् बुद्धिजीवी इन्द्रकान्त मिश्रलाई रु २५ हजार नगद सहितको सम्मानबाट सम्मानीत गर्ने निर्णय भएको जानकारी दिदै समाजले सम्मानका लागि रु पाँच लाखको अक्षय कोषसमेत स्थापना गर्ने निणर्य गरिसकेको बताउँनु भएको छ । त्यस्तै प्रस्तुत महाधिवेशनको उद्घाटन काँग्रेस सभापति शेरबहादुर देउवाले गर्ने र विशिष्ट अतिथिका रूपमा वरिष्ठ नेता रामचन्द्र पौडेल समेत सहभागी हुनुहुने बताईएको छ ।
