काठमाडौं काँग्रेस क्षेत्र न ८को बैठक :
काठमाडौं बैशाख २४, १३ औं क्षेत्रिय महाधिवेशनबाट निर्वाचित काठमाडौं काँग्रेस निर्वाचन क्षेत्र न ८ को पहिलो बैठक विहीवार सम्पन्न भएको छ । क्षेत्र न. ८का नवनिर्वाचित सभापति जुद्धरत्न बज्राचार्यका सभापतित्वमा सम्पन्न उक्त बैठकले केन्द्रीय महाधिवेशनबाट पारित पार्टीको निति तथा कार्यक्रमको मर्म अनुरुपका हरेक त्रियाकलापको आयोजना गर्दै काँग्रेसलाइ विगतको भन्दा पनि प्रभावकारी रुपमा क्रियाशील बनाउँने नितिगत निर्णय गरेको क्षेत्रीय सचिव राजेश श्रेष्ठले जानकारी दिनु भएको छ ।
त्यस्तै बंंैठकलाइ सम्बोधन गर्दै सभापति बज्राचार्यले पार्टीको हरेको क्रियाकलापलाइ चुस्त र दुरस्त बनाउँदै आसन्न स्थानीय निकायको निर्वाचन समेतलाइ मध्य नजर गर्दै जनमुखी काँग्रेस बनाउँनु आजको आवश्यकता रहेका धारणा अभिव्यक्त गर्नुभएको थियो ।
सभासद राज्यलक्ष्मी श्रेष्ठ समेतको उपस्थिती रहेको उक्त बैठकमा क्षेत्रका पूर्व सभापति एवम महाधिवेशन प्रतिनिधी मोहन बस्नेत, महासमिति सदस्य नविन चित्रकार ,तेवेन्द्र श्रेष्ठ नार्गाजुन नगरपालिका सभापति केदार मानन्धर , काठमाडौं काग्रेसका जिल्ला सदस्यद्दय अमिन पाण्डे, रोमेल श्रेष्ठ लगायतले क्षेत्रीय समितिका पदाधिकारी र निर्वाचन क्षेत्र न ८ अन्र्तगतका वडा इकाइका सभापतिहरुले वडाका गतिविधी माथि प्रकास पार्नु भएको थियो भने बैठकमा पार्टीका भातृसंगठनको आसन्न अधिवेशनका सवालमा समेत चर्चा गरिएको थियो ।