काठमाडौ पौष १६, यातायात व्यवस्था विभाग मिनभवनका प्राविधिक निर्देशक नवीनकुमार पोखरेललाई आज अख्तियार दुरुपयोग 
अनुसन्धान आयोगले घुससहित कार्यस्थलबाटै रङेहात पक्राउ गरेको छ । आयोगका अनुसार विद्युतीय स्कुटर आयातको अनमुति दिने क्रममा निर्देशक पोखरेलले एक सेवाग्राहीसँग रु २ लाख घुस मागेको भन्ने सूचना प्राप्त भएपछि आयोगको टोली विभाग पुगेर कारवाही चलाउँदा रु एक लाख ८० हजारसहित पोखरेललाई पक्राउ गरेको जनाएको छ ।
