काठमाडौं मार्ग १, आज छठ पर्वको तेस्रो दिन राजधानी लगायत तराइका धेरैजसो जिल्लामा सूर्यदेवको उपासना गर्दै छठ पर्वको मुख्य पूजा अर्थात सँझिया घाट धुमधामका साथ मनाइएको छ । छठपर्वको अवसरमा राजधानीको टङकेश्वर,गुहेश्वरी,रानीपोखरी, त्यस्तै गरि ललितपुरको शङखमूल र भक्तपरको 
हनुमानघाटलगायतकाजलाशयमा अस्ताउँदो सुर्यलाई अर्घ दिनेहरुको साँझ भिड लागेको थियो ।
आजको दिन छठमातालाइ वर्तालुहरुले नियमनिष्ठाका साथ पकाएका ठेकुवा, भुसुवाका साथै मिठाइ, केरालगायतका सामग्री सूर्यदेवलाई दर्शन गराई अघ्र्यको रुपमा अर्पण गर्ने नियम रहेको छ । भोली प्रातकालमा उदाउँदो सूर्यलाई अघ्र्य अर्पण गरेपछि विधिवतरुपमा यो पर्व सम्पन्न गरिन्छ ।
राष्ट्रपति भण्डारी गुह्येश्वरीमा : यसैवीच छठपर्वको अवसरमा आज अपराह्न राष्ट्रपति विद्यादेवी भण्डारीले गुह्येश्वरीमा पुगेर छठमाताको पूजाअर्चना गर्नुभएको छ । राष्ट्रपति भण्डारीले गौरीघाटस्थित छठमाताको पूजा गरेपछि त्यस क्षेत्रमा पूजा र दीप प्रज्वलन शुभारम्भ गरिएको थियो । छठ पर्वको तयारीका लागि छठ पूजा समितिले गौरीघाट, गुह्येश्वरी क्षेत्रको बागमती नदीमा सरसफाइका साथै ध्वजापताका र झल्लार बत्तीले दुलहीझै सजाइएको थियो ।
