थारु,मधेसी र मगरातलाई पहिचान र अधिकारबाट विमुख बनाउने नियोजित षडयन्त्र गरेको आरोप
काठमाडौ भाद्र २०, थरुहट तराई पार्टी नेपालले संविधानसभामार्फत नयाँ संविधानमा सदियौँदेखि उत्पीडनमा पारिएका जाति, वर्ग, लिङ्ग र क्षेत्रको पहिचान, 
आत्मसम्मान, अधिकार, न्याय र विकासको सुनिश्चितता गर्ने महान् जिम्मेवारी पाएकोमा केही दलका केही नेताहरुले बन्धक बनाउँदै आफैँले गरेका सहमति सम्झौतालाई लत्याएको आरोप लगाएको छ ।
पार्टी अध्यक्ष भानुराम थारुद्दारा हस्ताक्षरमा जारी विज्ञप्तिमा यस्तो आरोप लगाउँदै थरुहट तराई पार्टीले प्रदेशको सीमाङ्कनमा समेत स्वेच्छाचारी निति अवलम्न गरेको र तराईका भूमिपुत्र थारु, मधेसी र मगरात क्षेत्रलाई क्षतविक्षत र खण्डित गर्दै पहिचान र अधिकारबाट विमुख बनाउने नियोजित ifडयन्त्र गरेको उल्लेख गरेका छन ।
त्यस्तै विज्ञप्तिमा प्रमुख तीनदलले जबर्जस्ती संविधान जारी गर्ने प्रक्रियालाई अगाडि बढाएको हुनाले आन्दोलनरत थरुहट÷थारुवान संयुक्त सङ्घर्ष समिति, आदिवासी जनजाति, मधेसी मोर्चाले उठाएका न्यायसङ्गत एवम् जायज माग तथा मुद्दा सम्बोधनको सुनिश्चितता नभएसम्म संविधानसभाको सम्पूर्ण प्रक्रियालाई पार्टीले बहिष्कार गर्ने पनि विज्ञप्तिमा उल्लेख गरेको छ ।
