देश देश भनेर हामी धेरै करायौं
देश कै नाममा धेरै चोटि आवाज उठायौं
अब बेला भएको छ छाति छाम्ने देश छ त्यहाँ पक्का भनी
त्यो ढुक्क ढुक्क ढड्किने मुटु यहि देश हो भनी
देश देश भनेर हामी धेरै करायौं
दुखेको छ देश आज
चारै तिर बैरीको निशानामा परेको छ
रोएको छ देश आज
आफ्नै सन्तति एक अर्काको आँखाको तारो बनेको छ
प्यारो प्यारो भन्दै देश हामी धेरै करायौं
देश कै नाममा धेरै छोटि रगत बगायौं
अब बेला भएको छ बैरी तिर छाति फर्काई लाम लाग्ने
त्यो थोपा थोपा रगतले यो माटोलाई सिंचने
देश देश भनेर हामी धेरै करायौं
बलेको छ देश आज
तिम्रो मेरो सानो स्वार्थमा अल्झेको छ
गलेको छ देश आज
हिंड्दा हिंड्दै बाटो विच अल्मलेको छ
तिम्रो मेरो भन्दै देश हामी धेरै करायौं
देश कै निम्ती धेरै चोटि ज्यानको बलि चढायौं
अब बेला भएको छ आफु भित्र देश जगाउने
एकताको एउटा नया“ आधार बसाल्ने