काठमाडौ आषाढ १६, राष्ट्रिय अपाङ्ग महासङ्घले तीन सुत्रीय माग राख्दै आज प्रधानमन्त्री सुशील कोइरालालाई ज्ञापनपत्र बुझाएको छ । महासङ्घका अध्यक्ष 
सुदर्शन सुवेदीको नेतृत्वमा आएको प्रतिनिधि मण्डलले बुझाएको ज्ञापनपत्रमा समानुपातिक सिटको लागि छुट्टयाइएको ४० प्रतिशत मा अपाङ्गता भएका नागरिकलाई जनसङ्ख्याको अनुपातको आधारमा प्रतिनिधिसभा, राष्ट्रियसभा र प्रान्तीयसभामा पाँच प्रतिशत आरक्षण गर्नुपर्ने, अपाङ्गता भएका नागरिकको हक किटानी गर्नुपर्ने र समानुपातिक प्रणालीका ११० सीटमा उमेदवारी दिँदा अपाङ्गता भएका व्यक्तिहरूलाई पनि समेट्न संविधानमा किटानी व्यवस्था गर्नुपर्ने माग उल्लेख रहेको प्रधानमन्त्रीका प्रेस संयोजक प्रकाश अधिकारीद्धारा जारी विज्ञप्तिमा उल्लेख रहेको छ ।
