कठमाडौं आषाढ १६, अख्तियार दुरुपयोग अनुसन्धान आयोगको विशेष टोलीले नापी कार्यालय भरतपुरबाट मंगलवार दिउँसो रु एक लाखसहित एक जनालाई 
नियन्त्रणमा लिएको जनाउँदै नापी अधिकृतसहित दुई जना भने फरार रहेको जनाएको छ । घटना अनुसार अनुसार मोतीबहादुर बराइलीको छुट जग्गा दर्ता गरिदिन्छु भन्दै नापी अधिकृत रमाकान्त आचार्यले पैसा माग गरेपछि बराइलीले आयोगलाई खबर गरी बिचौलिया लेखन्दास डिलबहादुर बुढाथोकी र हरि आचार्यमार्फत् रु एक लाख दिनुभएको थियो ।
तत्काल आयोग टोलीले छापा मारेपछि बुढाथोकीका साथबाट सो रकम बरामद भएको थियो । नापी अधिकृत आचार्य र बिचौलिया हरि आचार्य मोटरसाइकल लिई फरार भएको टोलीले आयोगको विशेष टोलीलाई उदृत गर्दै प्राप्त समाचारमा उल्लेख गरिएको जनाएको छ ।
