बुटवल अषाढ २ , पाल्पाको सिद्धबाबा क्षेत्रमा सडक माथिबाट खसेको पहिरोमा पुरिएर दुई चिकित्सकको मृत्यु भएको छ । अन्य दुई चिकित्सकलाई भने प्रहरीले सकुशल 
उद्धार गरेको छ । पाल्पाबाट बुटवल फर्कदै गरेको लुम्बिनी मेडिकल कलेजमा कार्यरत चिकित्सक सवार लु१च १७० नम्बरको भ्यान आज अपराह्न सिद्धबाबा क्षेत्रमा सडक माथिबाट झरेको पहिरोमा पुरिएको प्रहरीले जनाएको छ ।
भ्यानमा सवार डा टिडिएस कोचर र उहाँकी श्रीमती डा यशोदा कोचरको घटनास्थलमै मृत्यु भएको हो । सकुशल उद्धार गरिएका घाइते डा जमिन अख्तर मिक्रानी र डा प्रतीकको बुटवलस्थित लुम्बिनी सिटी अस्पतालमा उपचार भइरहेको छ ।
