काठमाडौ फागुन २५ , गैरआवासीय नेपाली सङ्घ एनआरएनएको काठमाडौँमा निर्माण हुन लागेको कार्यालय भवनको आज शिलान्यास गर्दै प्रधानमन्त्री सुशील कोइरालाले 
प्रधानमन्त्री कोइरालाले नयाँ बन्ने संविधान जारी गर्नका लागि मुलुकका प्रमुख दलहरुवीच विवादित विषयमा भइरहेको वार्ताको सकारात्मक परिणाम आउने बताउनु भएको छ ।
त्यस्तै उहाँले आफ्नो सम्बोधनका क्रममा यअघि दलहरुको गरेको प्रतिबद्धताअनुसार माघ ८ मा संविधान जारी हुन नसके पनि दलहरुलाई असफल भएको भन्न नमिल्ने बताउदै विश्वभर छरिएर रहेका एनआरएनले नेपालमा आफ्नै कार्यालय भवन निर्माण गर्नु नेपालीका लागि गौरव र एकताको प्रतीक भएको बताउनुभएको छ ।
त्यस्तै कार्यक्रममा संविधानसभाध्यक्ष सुवास नेम्वाङले नयाँ बन्ने संविधानमा एनआरएनएलाई नागरिकता प्रदान गर्ने प्रावधान सुनिश्चित हुने अवगत गराउँदै समयमै संविधान बनाउन एनआरएनएले पनि दल र तीनका नेतालाई खबरदारी गर्नुपर्नेमा जोड दिनुभएको थियो । त्यस्तै कार्यक्रममा वाणिज्य तथा आपूर्ति मन्त्री सुनीलबहादुर थापा नेकपा एमालेका महासचिव ईश्वर पोखरेल र एनआरएनएका अध्यक्ष शेष घले, नेपाल उद्योग वाणिज्य महासङ्घका अध्यक्ष प्रदीपजङग पाण्डे र एनआरएनएका पूर्व अध्यक्षद्धय डा उपेन्द्र महतो,जिवा लामिछाने लगायतकावक्ताहरुले बोल्नु भएको थियो ।
