काठमाडौ कात्तिक २३, अख्तियार दुरूपयोग अनुसन्धान आयोगले नेपाल वायु सेवा निगमका वरिष्ठ कामु निर्देशक अच्युतराज पहाडीमाथि भ्रष्टाचार गरेको अभियोगमा आज विशेष अदालतमा मुद्दा दायर गरेको छ । आयोगका अनुसार कामु निर्देशक पहाडीले विमानको पाङ्ग्रा (टायर) खरिदमा रु २० 
लाख दुई हजार २१६ भ्रष्टाचार गरेको अनुसन्धानबाट खुलेको जनाउदै विशेष अदालतमा मुद्दा दायर गरेको हो ।
पहाडीले अन्तर्राष्ट्रिय उडानमा रहेको जहाजको टायर जगेडा रहँदारहँदै खरिद गरी निगमलाई हानी नोक्सानी पु¥याएको पाइएको छ । खरिद प्रक्रियामा समेत कानुनी प्रावधान पूरा नगरेको र बढी रकम तिरेको आयोगद्वारा जारी विज्ञप्तिमा जनाइएको छ । पहाडीले ७८० अमेरिकी डलर पर्ने मुख्य टायर एक हजार ४७५ मा खरिद गरेको र ५७५ डलर पर्ने नोज टायर एक हजार १० डलरमा खरिद गरेका थिए । खरिद गरिएका टायर निगमको आफ्नै उडानबाट खरिद नगरी अन्य उडानबाटै ल्याइएको र निगमको बि ७५७ जहाजमा प्रयोग हुने टायर खरिदमा सार्वजनिक खरिद ऐनको प्रावधानलाई समेत ध्यान नदिइएको आयोगले जनाएको छ
