काठमाडौं असोज ३, प्रधानमन्त्री सुशील कोइराला संयुक्त राष्ट्रसंघको ६९ औं महासभामा सम्बोधन गर्न नेपाली प्रतिनिधि मण्डलको नेतृत्व गर्दै केहीबेरअघि अमेरिकाको न्यूयोर्क प्रस्थान गर्नु भएको छ । प्रधानमन्त्री कोइरालालाइ त्रिभुवन अन्तरराष्ट्रिय विमानस्थलबाट सरकारका मन्त्री, तथा 
उच्च पदस्थ अधिकारीहरुले बिदाई गरेका थिए ।
प्रधानमन्त्री कोइराला नेतृत्वको नेपाली प्रतिनिधि मण्डलको भ्रमण तालिका अनुरुप आज संयुक्त अरब इमिरेट्सको अबुधावीमा बस्नेछ भने भोलि अवुधाबीस्थित नेपाली राजदूताबासमा मध्यपूर्व पश्चिम एशिया र उत्तरी अफ्रिकामा कार्यरत नेपाली कुटनीतिक नियोगका प्रमुखहरुले प्रधानमन्त्री कोइरालालाई आ–आफ्नो कार्यक्षेत्रको बारेमा जानकारी गराउने कार्यक्रम रहेको प्रधानमन्त्रीका प्रेस संयोजक प्रकाश अधिकारीले जानकारी दिनु भएको छ। । त्यस्तै आइतवर विहान प्रधानमन्त्री सहितको प्रतिनिधि मण्डल न्यूयोर्क पुग्नेछ । सोमबार प्रधानमन्त्री कोइरालाको क्यानसर अस्पतालमा अनुगमन परीक्षण हुने कार्यक्रम छ भने आगामी शुक्रबार संयुक्त राष्ट्रसंघको महासभालाई प्रधानमन्त्रीले सम्बोधन गर्ने कार्यक्रम रहेकोछ । प्रधानमन्त्री सहितको नेपाली प्रतिनिधि मण्डल असोज १६ गते नेपाल फर्कने छ ।
