काठमाडौँ श्रावण ५, नेपाल पत्रकार महासङ्घले महासंघ सिरहा शाखाका सदस्य एवं नयाँ पत्रिका दैनिकका सम्वाददाता दिलीप सिंहलाई श्रावण ४ गते आइतबार राति केही 
व्यक्तिहरुले लहान बजारमा आक्रमण गरी घाइते बनाएकोमा गम्भीर ध्यानाकर्षण भएको जनाएको छ ।
पत्रकार सिंहलाई लहान बजारबाट सामान लिएर गइरहेका आफ्ना भाइ विद्यानन्द सिंहमाथि स्थानीय मुसहर समुदायका केही व्यक्तिहरुले गालीगलौज र कुटपिट गरेपछि भएको झगडा छुट्याउन र सम्झाउन खोज्दा लहान नगरपालिका–१ स्थित सदा टोलमा साँझ ९:३० बजे केही व्यक्तिहरुले खुकुरी प्रहार गरी सिंहलाई घाइते बनाएका महासङ्घका महासचिव उजिर मगरद्वारा द्वारा आज जारी विज्ञप्तिमा उल्लेख गरिएको छ ।
त्यस्तै विज्ञप्तिमा खुकुरी प्रहारबाट टाउको र पिठ्यूँमा गम्भीर चोट लागेका पत्रकार सिंहको विराटनगरस्थित न्यूरो अस्पतालमा उपचार भैरहेको जनाउँदै विज्ञप्तिमा कुनै पनि बहानामा पत्रकारमाथि यस किसिमले आक्रमण हुनु प्रेस स्वतन्त्रताविरोधी काम हो । यस्ता घटनाले पत्रकारको भौतिक सुरक्षा थप चुनौतीपूर्ण हुने महासङ्घको ठहर छ भन्दै घटनामा संलग्नहरुलाई तत्काल कानुनबमोजिम कारबाही गर्न र घाइते पत्रकारको उपचारको व्यवस्था गर्न सरकारसँग माग गरेको छ ।
