काठमाडौँ ज्येष्ठ १५, सातौँ गणतन्त्र दिवसको अवसरमा शुभकामना सन्देश दिँद उपराष्ट्रपति परमानन्द झाले सार्वभौम नेपाली जनताले आफ्नो नागरिक हक अधिकारका लागि वर्षौंदेखि अनवरतरूपमा गरेका सङ्घर्षहरूको परिणामस्वरूप स्थापित गणतन्त्र र लोकतान्त्रिक उपलब्धिीलाई संस्थागत रूपमा अझै मजबुत पार्नुपर्ने आजको टड्कारो आवश्यकता र अपरिहार्यता रहेको बताउनुभएको छ ।
सन्देशमा उहाँले भन्नुभएको छ – जनचाहना बमोजिम लोकतान्त्रिक संविधानको निर्माणबाट नै नेपालमा जनप्रतिनिधिमूलक लोकतान्त्रिक परिपाटी बलियो एवम् स्थायी हुन सक्दछ भन्नेमा कुनै द्विविधा छैन । यसका लागि राजनीतिक दलहरूबीच सहमति र सहकार्यको अर्को विकल्प छैन । यसै सन्दर्भमा गणतन्त्र दिवसको शुभ अवसरमा तोकिएको समयमा नै नेपाली जनताको चाहनाअनुसारको लोकतान्त्रिक संविधान जारी गर्न सफलता मिलोस् भनी हार्दिक कामनासमेत गर्न चाहन्छु ।