दुबइए जेन्सी २७, दुबइको बाहिरी भागमा एक बस पल्टिएर नजिकै रोकिएको लरीसँग ठक्कर खाँदा बसमा रहेका १३ एसियाली कामदारको मृत्यु भएको र अन्य १६ घाइते भएको जानकारी प्रहरीले दिएको छ । दुर्घटना इमिरेट्स मार्गमा भएको थियो । यस मार्गले राजधानी अबु धावी तथा संयुक्त अरब इमिरेट्सको उत्तरी भागलाई जोडेको छ ।
प्रहरीले घटनामा मर्ने व्यक्तिको नागरिकताका बारेमा तत्कालै जानकारी उपलब्ध गराएको छैन । दुर्घटना दुबइको बाहिरी भागमा रहेको रुवायामा भएको बताइएको छ । दुबइको जनसङ्ख्या २२ लाख रहेको छ र त्यसमा ठूलो सङ्ख्यामा एसियाली रहेको बताइन्छ । एएफपी