काठमाडौँ माघ १०, तामाङ जातिको धार्मिक एवम् साँस्कृतिक पर्व सोनाम ल्होछार ता ल्होछार २८५० बृहत् मूल समारोह संयोजनमा माघ १६ देखि १८ 
गतेसम्म विविध कार्यक्रमका साथ मनाइने भएको छ । माघ शुक्ल प्रतिपदाका दिन नेपाल लगायत चीन, जापान, कोरिया, मंगोलिया, हङकङ, भियतनाम, लाओस, थाइल्यान्ड, ताइवान र सिङ्गापुरमा पनि चन्द्रमासमा आधारित भई नयाँ वर्षका रुपमा मनाउने गरिएको प्रस्तुत पर्वको क्रममा माघ १७ गते बिहान सयौं सम्वद्ध तामाङ सङ्घसंस्थाहरुको सहकायमा साँस्कृतिक -यालीले नगरका विभिन्न भागको परिक्रमा गरी खुल्लामञ्चमा ल्होछार विशेष समारोह तथा साँस्कृतिक कार्यक्रम आयोजना गरिने जानकारी समितिद्वारा आज आयोजित पत्रकार सम्मेलनमा दिइएको छ ।
ल्होछारको अर्थ नयाँ वर्ष हो । तामाङ परम्पराअनुसार ल्हो (वर्ग) १२ वटा हुन्छन, जुन पशुपन्छीको नामबाट जानिन्छ । प्रत्येक वर्ष एक वटा ल्हो फेरिन्छ र ल्हो फेरिने दिनलाई तामाङ भाषामा ल्होछार भनिने जानकारी आयोजित पत्रकार सम्मेलनमा दिइएको थियो ।
