काठमाडौ वैशाख २७, अख्तियार दुरुपयोग अनुसन्धान आयोगले दुग्ध विकास संस्थानका प्रबन्धक डा शत्रुघनप्रसाद साहविरुद्ध विशेष अदालतमा मुद्दा दायर गरेको छ । डा शाहले संस्थानको प्राविधिक अधिकृतदेखि प्रबन्धकसम्मको पदीय जिम्मेवारीमा रहँदा अख्तियारको 
दुरुपयोग एवम् भ्रष्टाचार गर्दै रु दुई करोड ८३ लाख ६८ हजार ३० भ्रष्टाचार गरेको आयोगद्दारा आज दायर मुद्दामा उल्लेख रहेको छ ।
त्यस्तै साहले पेस गरेको सम्पत्ति विवरणमा आयआर्जन रु एक करोड ४४ लाख ९७ हजार १३४ देखिए पनि खर्च तथा लगानी रु तीन करोड ८३ लाख ६५ हजार देखिएको तर दुई करोड ३८ लाख ६८ हजार ३० को कुनै स्रोत समेत नखुलेको आयोगले जनाएको छ । साथै आयोगले डा साहकी श्रीमती सुशीलाकुमारीका नाममा समेत चलअचल सम्पति राखेको र त्यसको समेत स्रोत नखुलेको पाइएकाले उक्त सम्पत्ति समेत बिगो असुल उपर गर्न माग गर्दै गरेको छ ।
