काठमाडौ मार्ग १८, राष्ट्रिय मानवअधिकार आयोगले मधेस आन्दोलनको आन्दोलनको अनुगमनको क्रममा मानवाधिकार रक्षकमाथि गरिएको आक्रमणको आयोगद्दारा भत्र्सना गर्दै दोषीलाई कारबाही गर्न सरकारसँग माग गरेको छ ।
आयोगमा आज बसेको आपतकालीन बैठकपछि जारी विज्ञप्तिमा जनाईए अनुसार मानवीय सेवामा खटिएका व्यक्तिमाथि आक्रमण, तोडफोड र आगजनी गर्ने तथा क्षति पु¥याउने व्यक्तिका सम्बन्धमा तत्काल अनुसन्धान गरी दोषीमाथि कानुनबमोजिम कारबाही गर्न माग गरिएको छ ।
त्यस्तै विज्ञप्तिमा मधेस आन्दोलनको अनुगमनमा खटिएको मन्दिरा श्रेष्ठ, विभा ढुङ्गाना र श्रीराम कार्की लगायतको टोलीमाथि बिहीबार सर्लाही नवलपुरको जुटपानीमा आन्दोलनकारीले आक्रमण गरी गाडी, क्यामरा, महत्वपूर्ण कागजपत्र र अनुगमनमा प्रयोग गरिने ज्याकेट जलाइदिएको उल्लेख गर्दै जीवनको अधिकार, स्वास्थ्य, शिक्षा, खाद्यान्नलगायतका आधारभूत सेवामा अवरुद्ध गर्ने र मानवअधिकार रक्षक, सञ्चारकर्मी र मानवीय सेवामा कार्य गर्ने व्यक्ति तथा निकायको सुरक्षा र संरक्षण गर्नका लागि आयोगले सरकार र सम्बन्धित निकायको ध्यानाकर्षणसमेत गराएको छ ।
